Egzijans pou Kontraktè Federal yo

Antanke yon kontraktè oswa sou tretan, ou gen pou w respekte kèk lwa sa depan de valè kontra w genyen an. Si w gen kontra $10,000 oswa plis, ou gen pou w respekte Dekrè Egzekitif 11246 la e w gen responsabilite pou w pa fè diskriminasyon kont moun k ap aplike pou travay oswa anplwaye sou baz ras, koulè, sèks, oryantasyon seksyèl, idantite seksyèl, relijyon, ak peyo yon moun soti. Ou gen responsabilite tou pou w pa fè diskriminasyon kont moun k ap aplike oswa anplwaye poze kesyonm pale oswa pataje kòb yo touche oswa lajan lòt anplwaye toyche, sou baz kèk limit.

Si w gen kontra oswa sou kontra $15,000 oswa plis, ou gen pou w respekte Seksyon 503 Lwa Reyadaptasyon an la e w gen responsabilite pou w pa fè diskriminasyon kont moun k ap aplike pou travay oswa anplwaye sou baz andikap.

Si w gen kontra oswa sou kontra $150,000 oswa plis, ou gen pou w respekte tou Lwa Asistans Reyadaptasyon pou Ansyen Militè nan Epòk Vyetnam nan (VEVRAA) e w gen responsabilite pou w pa fè diskriminasyon kont moun k ap aplike pou travay oswa anplwaye akoz estati l antanke yon ansyen militè pwoteje.

Met sou kondisyon pou konbat diskriminasyon yo, ou gen responsabilite debaz tankou:

• konsève dosye tout anplwaye ak aksyon travay yo pandan dezan (oswa ennan pou kontraktè ki gen mwens pase 150 anplwaye oswa kontra $150 000);
• sa gen ladan l Atik sou Opòtinite Egal nan tout sou tretan ak lòd acha; ak
• di nan anons w ap chèche moun pou travay la ou pa fè diskriminasyon ki baze sou okenn baz pwoteje. Ou ka mansyone yo (ras, koulè, sèks, oryantasyon seksyèl, idantite seksyèl, relijyon, peyi yon moun soti, andikap, ak estati l antanke yon ansyen militè pwoteje), oswa ou ka annik itilize “konpayi ki bay tout moun menm posibilite” ak “andikap” ak “ansyen militè”. Sonje, si w gen pou w respekte Seksyon 503 ak VEVRAA, ou dwe mete byen klè “andikap” ak “ansyen militè” oswa “vet” nan liy deskripsyon piblisite pou travay la.